უკრაინელი ხალხის დასახმარებლად ანტალიაში მომღერალ რუსლანას კონცერტი გამართა

რუსეთ-უკრაინის ომის შედეგად დაზარალებული უკრაინელი ხალხის დასახმარებლად ანტალიაში მომღერალ რუსლანას კონცერტი გამართა.

უკრაინელი მომღერალი რუსლანა, რომელმაც 2004 წელს სტამბოლში გამართულ ევროვიზიის სიმღერის კონკურსში გაიმარჯვა,  საქველმოქმედო ბაზრობას დაესწრო, რომელიც ორგანიზებული იყო ანტალიაში უკრაინის საკონსულოს და ანტალიის უკრაინელების საზოგადოების მიერ პროექტის "ბავშვობა ომის გარეშე"-ს ფარგლებში.

რუსლანამ აქ ჟურნალისტებთან საუბრისას განაცხადა, რომ უკრაინა ომის რთულ პერიოდს გადის და მისი ხალხი მხარდაჭერას მთელი მსოფლიოსგან ელის.

"მადლობას ვუხდით თურქეთის პრეზიდენტს რეჯეფ თაიფ ერდოღანს მხარდაჭერისთვის, ადამიანობისა და დახმარებისთვის. ახლა უკრაინაში ბავშვები, მშვიდობიანი მოსახლეობა, კაცები და ჯარისკაცები  იღუპებიან. ჩვენ ახლა ძალიან ბევრ ახალგაზრდას ვკარგავთ. სულ რამდენიმე თვის წინ ისინი ქმნიდნენ მუსიკას და ხელოვნებას. მაგრამ ახლა იძულებულები გახდნენ აეღოთ იარაღი. უკრაინის მდგომარეობა ახლა ძალიან მძიმეა. ძალიან ბევრი მშვიდობიანი მოსახლეობა დაიღუპა. ძალიან ბევრი ადამიანი აწამეს. კამერების წინაც ვერ ვამბობ, ქალები და ბავშვი როგორ აწამეს. რუსეთის არმიამ გაანადგურა ჩვენი სახლები. რუსმა ჯარმა უკრაინა მარსად აქცია. არც შენობები დარჩა, არც საცხოვრებელი ფართი. მაგრამ უკრაინელები გადარჩებიან და ამას პასუხს გასცემენ. ბებიებიც კი გარბიან და ცდილობენ ტანკების შეჩერებას. უკრაინაში თუ ჰკითხავთ, ბავშვებიც კი გეტყვიან: "ჩვენ ვიბრძოლებთ ჩვენი ქვეყნისთვის". უკრაინელები ძალიან პატიოსანი და მეგობრული ხალხია. ამიტომ შეგიძლიათ მხარი დაგვიჭიროთ და გვენდოთ“. - თქვა რუსლანამ.

მან ღია სივრცეში გამართულ კონცერტზე პოპულარული სიმღერები შეასრულა. ღონისძიებას უკრაინის ელჩი ანკარაში, ვასილ ბოდნარი და უკრაინის მოქალაქეები ესწრებოდნენ.