აშშ-მა ირანის მიერ ამერიკული ნავთობის ტანკერის დაკავება დაგმო

ამერიკის შეერთებულმა შტატებმა დაგმო ირანის მიერ ამერიკული ნავთობის ტანკერის ჩამორთმევა და გააკეთა მოწოდება გემის ეკიპაჟთან ერთად „დაუყოვნებლივ გათავისუფლების“ შესახებ.

აშშ-ის სახელმწიფო დეპარტამენტის პრესსპიკერის მოადგილემ ვედანტ პატელმა ყოველდღიურ პრესკონფერენციაზე ჟურნალისტების შეკითხვებს უპასუხა.

მან ხაზგასმით თქვა, რომ აღნიშნული ნავთობის ტანკერი ომანის ყურეში „ლეგალურად ცურვისას“ იქნა დაკავებული და დაამატა: „ირანის მთავრობამ დაუყოვნებლივ უნდა გაათავისუფლოს გემი და მისი ეკიპაჟი. სავაჭრო გემის უკანონო ჩამორთმევა ირანის ბოლო მცდელობაა, ხელი შეუშალოს საერთაშორისო ვაჭრობას“.

მან ასევე აღნიშნა, რომ წითელ ზღვაში სავაჭრო გემების 30 პროცენტის დაკავება მოხდა და რომ ასეთი ქმედებები საზღვაო ვაჭრობაში "რეგიონულ და გლობალურ ეკონომიკასთან ერთად ირანისთვისაც გაურკვევლობას შექმნის".

„მსგავსი მოუხერხებელი, პროვოკაციული ქმედებები საფრთხეს უქმნის გლობალურ ეკონომიკას და უნდა შეწყდეს“. - განაცხადა სპიკერის მოადგილემ.

ირანის არმიის საზღვაო ძალების მიერ გუშინ გაკეთებულ წერილობით განცხადებაში ნათქვამია: „ირანის არმიის საზღვაო ძალებმა სასამართლო გადაწყვეტილებით ომანის ზღვაში ამერიკული ნავთობის ტანკერი დააკავს“.