გასულ წელს თურქეთმა თაფლის ექსპორტიდან დაახლოებით 32 მილიონი დოლარი მიიღო

გასულ წელს თურქეთმა თაფლის ექსპორტიდან დაახლოებით 32 მილიონი დოლარი მიიღო.

აღმოსავლეთ შავი ზღვის რეგიონის ექსპორტიორთა ასოციაციის (DKİB) მონაცემებით, თურქეთმა, რომელიც ჩინეთის შემდეგ მეორე ადგილზეა თაფლის მსოფლიო წარმოებით და მეცხრე ექსპორტით, 2023 წელს 9 ათას 383 ტონა თაფლი გაიტანა.

აღნიშნული უცხოური გაყიდვებიდან 31 მილიონ 907 ათას 291 დოლარის მოგება მიიღეს. 59 ქვეყანას შორის ექსპორტით პირველ ადგილზე 12 მილიონ 461 ათას 373 დოლარით ამერიკის შეერთებული შტატებია. მას მოჰყვა გერმანია 4 მილიონ 881 ათას 378 დოლარით და ისრაელი 3 მილიონ 683 ათას 977 დოლარით.

გასულ წელს, 2022 წლისგან განსხვავებით, თაფლი გაიყიდა ასევე ალბანეთში, ხორვატიაში, შვედეთში, ჩინეთის სახალხო რესპუბლიკაში, კენიაში, ჯიბუტიში, მალტაში, სამხრეთ კორეაში, სირიაში, უზბეკეთსა და კამერუნში.