პრეზიდენტმა 2023 წლის საექსპორტო მონაცემებზე ისაუბრა

პრეზიდენტმა რეჯეფ თაიფ ერდოღანმა განაცხადა, რომ ისინი მიზნად ისახავენ ინფლაციის კიდევ ერთხელ შემცირებას ერთნიშნა რიცხვამდე, წარმოებაზე, დასაქმებასა და ეკონომიკურ ზრდაზე კომპრომისზე წასვლის გარეშე.

2023 წლის ექსპორტის მაჩვენებლების გამოცხადების პროგრამაზე სიტყვით გამოსვლისას პრეზიდენტმა ერდოღანმა თქვა: "ჩვენ ჩამოვაყალიბეთ ჩვენი საგარეო პოლიტიკა თურქეთზე ორიენტირებული, მაგრამ გლობალური პერსპექტივით და ამისგან უკან დახევა ნამდვილად არ იქნება".

მან ხაზგასმით აღნიშნა, რომ ისინი მიზნად ისახავენ ინფლაციის შემცირებას ისევ ერთნიშნა ციფრებამდე, წარმოებაზე, დასაქმებასა და ეკონომიკურ ზრდაზე კომპრომისზე წასვლის გარეშე და დამატა: „ჩვენ ამოვიღებთ ინფლაციის საკითხს ჩვენი მოქალაქეების ყოველდღიური ცხოვრებიდან“.

ერდოღანმა აღნიშნა: „2023 წლის ექსპორტმა 255 მილიარდ 809 მილიონ დოლარს მიაღწია, წინა წელთან შედარებით 0,6 პროცენტიანი ზრდით, რაც რესპუბლიკის ისტორიაში რეკორდია, ექსპორტის ყველაზე მაღალი მაჩვენებელი ივლისში, აგვისტოში, ოქტომბერში, ნოემბერი და დეკემბერში იქნა მიღწეული“.

„2023 წლის ოქტომბრის მონაცემებით, მომსახურების წლიურმა ექსპორტმა 99 მილიარდ 254 მილიონ დოლარს მიაღწია, რაც ისტორიული რეკორდული დონეა“. - აღნიშნა თურქეთის პრეზიდენტმა.

მისივე თქმით, მაშინ, როცა 2002 წელს საშუალო თვიური ექსპორტი 3 მილიარდი დოლარი იყო, დღეს საშუალო თვიური ექსპორტი 21,3 მილიარდი დოლარია და მათი მხარდაჭერა ექსპორტიორების მიმართ გაგრძელდება.

პრეზიდენტმა ერდოღანმა თქვა: „ჩვენი მიზანია არ დარჩეს ისეთი ქვეყანა, სადაც თურქული პროდუქცია არ იქნება აღიარებული და სადაც ჩვენს ექსპორტიორებს ფეხი არ ექნება დადგმული“.