دهمین دور «گفت‌وگوهای امنیتی هرات» تحت عنوان «نظام سیاسی فراگیر؛ الگوها و نقشه راه» در شهر دوشنبه، پایتخت تاجیکستان آغاز شد.

دهمین دور گفت‌وگوهای امنیتی هرات تحت عنوان «نظام سیاسی فراگیر؛ الگوها و نقشه راه» در سالون کنفرانس‌های کتابخانه ملی شهر دوشنبه، پایتخت تاجیکستان امروز آغاز شد.

این نشست با حضور سیاست‌مداران سابق افغانستان، نمایندگان جامعه مدنی، نماینده‌گان رسانه‌ها، دیپلماتان و نماینده‌گان نهادهای غیردولتی کشورهای مختلف از جمله تاجیکستان به مدت دو روز ادامه خواهد داشت.

کرن‌دیکر، کاردار سفارت ایالات متحده آمریکا در افغانستان که برای شرکت در دهمین نشست امنیتی هرات به دوشنبه پایتخت تاجیکستان رفته٬ گفت: این نشست فرصت خوبی برای بحث و مذاکره در مورد وضعیت افغانستان با نمایندگان افغانستان، تاجیکستان و کشورهای منطقه است.

گفتنی است پس از سقوط کابل به دست طالبان، این نخستین بار است که نشست امنیتی هرات در خارج از افغانستان برگزار می‌شود.