واکسین کرونا برای مامورین دولت در اوزبیکستان اجباری شد
وزارت صحت اوزبیکستان: تاکنون در کل 5 میلیون و 521 هزار دوز واکسین در سراسر این کشور تزریق گردیده است
1677036
بر اساس تصمیم کمیسیون مبارزه با ویروس کرونا اوزبیکستان، واکسیناسیون کارمندان موسسات و سازمانهای دولتی و همچنین بخش خدمات اجباری شد.
طبق این تصمیم از این به بعد پرسنل صحی، معلمان، سربازان و مقامات امنیتی، کارمندان بانکها، دفاتر اسناد رسمی، دفاتر پست و پرسنل کافی ها، آرایشگاهها، فروشگاهها، بخش گردشگری و سایر خدمات و همچنین کارمندان موسسات دولتی ملزم به دریافت واکسین کرونا گردیدند.
کارکنان بخشهای مذکور باید دوز اول واکسین کرونا را تا اول سپتامبر، دوز دوم را تا اول اکتبر و دوز سوم را تا اول نوامبر دریافت نمایند.
بر اساس تصمیم کمیسیون مبارزه با ویروس کرونا اوزبیکستان، کافی ها و رستورانها تا ساعت 20:00 باز خواهند بود.
بنابر بیانیه وزارت صحت اوزبیکستان، تاکنون در کل 5 میلیون و 521 هزار دوز واکسین در سراسر این کشور تزریق گردیده است.