Türkiye mətbuatı:18 yanvar 2024
Türkiye mətbuatında dərc olunan bəzi xəbərlərin xülasəsi.
''Sabah'': Ərdoğan dünya gündəmində iz buraxdı
Türkiye Prezidenti Rəcəb Tayyib Ərdoğan Nazirlər Kabinetinin iclasından sonra terrorla mübarizə ilə bağlı verdiyi mesajlarla dünya gündəmini zəbt edib. Beynəlxalq agentliklər bir-birinin ardınca yaydığı xəbərlərdə "Türkiye terrorla mübarizədə qərarlıdır!" ifadələrini işlədərək Ərdoğanın “Ya bizimləsiniz, ya da bizə qarşısınız'' mesajını verdiyini bildirib.
''Star'': Alper Gezeravcının kosmosa uçuşu təxirə salındı
Türkiyenin ilk kosmonavtı Alper Gezeravcının da üzvü olduğu Ax-3 uçuşu yanvarın 19-na qtəxirə salındı. SpaceX-dən verilən bəyanatda Türkiyenin ilk kosmonavtının da üzvü olduğu Ax-3 uçuş missiyasının təxirə salındığı və uçuşla bağlı son yoxlama işlərinin aparıldığı bildirilib.
''Yenişafak'': "Putin aylar sonra açıqladı
Ukrayna ilə Rusiya arasında müharibə davam edərkən Rusiya prezidenti Vladimir Putin sülhün əldə olunmamasına görə Kiyevin məsuliyyət daşıdığını bildirib. İstanbuldakı danışıqlara diqqət çəkən Vladimir Putin Ukraynanın danışıqlar masasından ayrıldığını ifadə edərək deyib: "İstanbulda hər mövzuda razılıq əldə etmişdik. Türkiyə bizi barışdırmışdı''.
''Hürriyet'': Yunanıstan adaları üçün viza sadələşdirilməsi mart ayından başlayır
Türkiyedə görüşlər keçirən Yunanıstanın turizm naziri Olqa Kefaloyannis Yunanıstan adaları üçün viza sadələşdirilməsinin mart ayından başladığını bildirib.
''Vatan'': Safranbolu zəfəranı coğrafi göstərici qeydiyyatı aldı
Avropa Komissiyasının Kənd Təsərrüfatı və Kənd İnkişafı Müdirliyinin Coğrafi Göstərişlər üzrə direktoru Dieqo Kanqa Fano Safranbolu zəfəranının coğrafi göstərici qeydiyyatı aldığını bildirib.