Türkiye mətbuatı, 2 iyun 2023
Türkiye mətbuatında dərc olunan bəzi xəbərlərin xülasəsi.
"Habertürk": Prezident seçkilərinin ikinci turunun yekun nəticələri açıqlandı
Ali Seçki Şurasının sədri Əhməd Yenər mayın 28-də keçirilən prezident seçkilərinin ikinci turunun yekun nəticələrini açıqlayıb. Yenər prezident seçilən Rəcəb Tayyib Ərdoğanın 52,18 faiz, Kamal Kılıçdaroğlunun səslərin isə 47,82 faizə çatdığını bildirib.
"Hürriyet": “Çavuşoğlunun İsveçə çağırışı
Xarici işlər naziri Mövlud Çavuşoğlu İsveçi NATO-ya üzvlüyü ilə bağlı Üçlü Memoranduma əsaslanan öhdəliklərini yerinə yetirməyə və terrorla mübarizədə konkret addımlar atmağa çağırıb.
"Star": 133 ölkə Türkiye dedi
2022-ci ildə türk şirkətlərinin xaricdəki podrat işləri 19,1 milyard dolları ötüb. Podrat işləri 133 müxtəlif ölkədə aparılıb. Ən çox biznesə malik region Müstəqil Dövlətlər Birliyi və Avropa olub.
"Yenişafak": Seçkidən sonra Rusiyadan Türkiyeyə tələb axışı
Türkiyedə mayın 28-də keçirilən prezident seçkilərindən sonra Rusiyadan “Türkiye turları”na tələbat yüksək olub. Rusiya Tur Operatorları Birliyi (ATOR) Türkiyedə seçkilərdən sonra tur müraciətlərində 50 faiz artım olduğunu bildirib.
"Sabah": Antalyaya turist axını
Türkiyenin turizm cənnəti kimi tanınan Antalyaya turist axını davam edir. Cari il hava yolu ilə şəhərə gələn turistlərin sayı 3 milyon 405 min 458 nəfərə çatıb.
