Türkiye mətbuatı, 24 mart 2023
Türkiye mətbuatında dərc olunan bəzi xəbərlərin xülasəsi.
"Vatan": Ərdoğan: "Dağılan hər binanı yenidən tikəcəyik"
Prezident Rəcəb Tayyib Ərdoğan fevralın 6-da Kahramanmaraşda 11 vilayətdə baş verən zəlzələdən sonra ilk 17 min 902 evin təməlqoyma mərasimində etdiyi çıxışında “Biz dağılmış hər bir evimizi yenidən tikərək Türkiye Cümhuriyyətinin yeni əsrinə addım-addım irəliləyirik” deyib.
"Yenişafak": "Əsrin həmrəyliyi kampaniyası"na start verildi
Prezident Aparatının "Əsrin fəlakəti" olaraq xarakterizə edilən zəlzələlərdən sonra göstərilən həmrəyliyə diqqət çəkmək üçün "Birlikdə Türkiyeyik" şüarı ilə "Əsrin həmrəyliyi kampaniyası"na start verib.
"Sabah": "Altay" gəlir! Missiya tarixi açıqlandı
Türkiye ordusunun qurudakı üstünlüyünü artıracaq milli vasitələrlə hazırlanan və kütləvi istehsal mərhələsinə keçən "Altay" tankı aprelin 23-də sınaq üçün Türkiye Silahlı Qüvvələrinə təhvil verilməyə hazırlaşır.
"Star": Sağlamlıq turizmində 25-30 faiz artım hədəfi
Türkiye Sağlamlıq Turizmi Dərnəkləri Federasiyasının sədri Tevfik Yazan 2023-cü ildə sağlamlıq turizmi gəlirlərində və xəstə sayında 25-30 faiz artım gözlədiklərini söyləyib.
"Hürriyet": İstanbul Hava Limanı Avropanın zirvəsindədir
Avropa Hava Naviqasiya Təhlükəsizliyi Təşkilatının (EUROCONTROL) fevral ayı hava hərəkəti hesabatına əsasən, İstanbul Hava Limanı Avropanın ən işlək hava limanı olub. Nəqliyyat və infrastruktur naziri Adil Karaismailoğlu "İstanbul Hava Limanı fevral ayında 35.569 uçuş, 5.136.413 sərnişinlə Avropanın birincisi olan İstanbul Hava Limanı üstün xidmət keyfiyyəti ilə milyonlarla sərnişinimizi qəbul etməyə davam edir" paylaşımı edib.