Türkiyə 1915-ci il hadisələri ilə bağlı verilən birtərəfli bəyanatlara reaksiya verib

Türkiyə 1915-ci il hadisələri ilə bağlı verilən birtərəfli açıqlamalara reaksiya verib.
Türkiyə Xarici İşlər Nazirliyi mövzu ilə bağlı bəyanat verib.
“Biz bəzi radikal dairələri məmnun etmək məqsədi ilə 1915-ci il hadisələri ilə bağlı verilən birtərəfli bəyanatları rədd edirik” deyilən bəyanatda tarixi faktları təhrif edən bu bəyanatların beynəlxalq hüquqa da zidd olduğu vurğulanıb.
Bəyanatda bildirilib ki, Avropa İnsan Haqları Məhkəməsi 1915-ci il hadisələrinin qanuni müzakirə mövzusu olduğunu açıq şəkildə qeyd edib.
Bəyanatda deyilir:“Bütün tərəfləri Birgə Tarix Komissiyasının yaradılması təklifimizi və Ermənistanla başlayan normallaşma prosesini dəstəkləməyə çağırırıq”.