Bodrum sahillərində qanunsuz mühacirlər xilas edilib

Muğla vilayətinin Bodrum qəsəbəsi sahillərində 28 qanunsuz miqrant xilas edilib.

Sahil Mühafizə Komandanlığından verilən açıqlamaya görə, Bodrum qəsəbəsi sahillərində fiber qayıqda qanunsuz mühacirlərin olduğu xəbərindən sonra qruplar bölgəyə istiqamətləndirilib.

Dayandırılan fiber qayıqda qanunsuz yollardan ölkə xaricinə çıxmağa çalışan cəmi 28 qanunsuz mühacir yaxalanıb. 

Qanunsuz mühacirlər əməliyyatların ardından Vilayət Miqrasiya İdarəsi Müdirliyinə təhvil verilib.