Hakan Fidan QDİƏT-nın 62-ci sessiyasının iştirakçılarına mesaj ünvanladı

Türkiyenin xarici işlər naziri Hakan Fidan Qara Dəniz İqtisadi Əməkdaşlıq Təşkilatı Parlament Assambleyasının (QDİƏT) Ukraynanın paytaxtı Kiyevdə keçirilən 62-ci sessiyasının iştirakçılarına mesaj ünvanladı. 
Hakan Fidanın mesajını Ədalət və İnkişaf Partiyasının Əskişəhər Millət vəkili, Qara Dəniz İqtisadi Əməkdaşlıq Təşkilatı Parlament Assambleyasının Türkiye Nümayəndəliyinin rəhbəri Fatih Dönmez oxuyub.
Hakan Fidan mesajında ​​Qara Dəniz İqtisadi Əməkdaşlıq Təşkilatı Parlament Assambleyasının böyük Qara dəniz hövzəsindəki ölkələri, o cümlədən bütün sahilyanı dövlətləri bir araya gətirən yeganə regional təşkilat olduğunu bildirib və təşkilatın 1992-ci ildən etibarən üzv dövlətlər arasındakı iqtisadi və sosial əlaqələrin inkişafına mühüm töhfələr verdiyini qeyd edib. 

Qara Dəniz İqtisadi Əməkdaşlıq Təşkilatı Parlament Assambleyasının güclü qurumları və mexanizmləri ilə  Qara dəniz regionunda əsas iqtisadi əməkdaşlıq forumu olmağa davam etdiyinə diqqət çəkən Hakan Fidan deyib:"Son bir neçə ilin Qara Dəniz İqtisadi Əməkdaşlıq Təşkilatı Parlament Assambleyası üçün çətin olduğunu inkar etmək olmaz. Davam edən gərginlik Qara Dəniz İqtisadi Əməkdaşlıq Təşkilatı Parlament Assambleyasının düzgün fəaliyyət göstərməsinə mane olur və bizim kritik əməkdaşlığımıza xələl gətirir. Bununla belə, 31 illik fəaliyyəti dövründə yaşanan çoxsaylı problemlərə baxmayaraq, Qara Dəniz İqtisadi Əməkdaşlıq Təşkilatı Parlament Assambleyası bütün sınaqlardan uğurla keçdi. Biz regionumuzun sabitliyini və rifahını təmin etmək qabiliyyətini inkişaf etdirmək mövzusunda qətiyyətliyik. Bu, böyük dəyişikliklərin baş verdiyi bu çətin dövrlərdə xüsusi əhəmiyyət kəsb edir''.