Prezident Ərdoğan BƏƏ-yə səfər edəcək

Prezident Ərdoğan yaxın günlərdə Birləşmiş Ərəb Əmirliklərinə səfər edəcək. 
Bunu xəzinə və maliyyə naziri Mehmet Şimşək deyib. 
Səfər çərçivəsində iki ölkə arasında bir sıra sazişlərin imzalanacağı gözlənilir.
Nazir Mehmet Şimşək Nazirlər Kabinetinin iclasından sonra açıqlamalar verib.

İclasdan əvvəl vitse-prezident Cevdet Yılmaz ilə Birləşmiş Ərəb Əmirliklərinə səfərlərinin məhsuldar keçdiyini ifadə edən Şimşək prezident Məhəmməd bin Zayed Əl Nəhyan ilə görüşlərdə yeni iqtisadi əməkdaşlıq imkanlarının qiymətləndirildiyini söyləyib.

Şimşək bayram günlərində iki ölkənin nümayəndə heyətlərinin məsələ ilə bağlı işlərini davam etdirdiyini vurğulayıb.

Nazir gələn həftə Birləşmiş Ərəb Əmirliklərindən Türkiyeyə nümayəndə heyətinin gələcəyini də bildirib.

Nazir Şimşək iki ölkənin nümayəndə heyətləri arasındakı fəaliyyətlər konkretləşdikdən sonra prezident Ərdoğanın Birləşmiş Ərəb Əmirliklərinə səfər edəcəyini də açıqlayıb.

Nazir vurğulayıb ki, sözügedən səfərin iyulun 11-12-də NATO Liderlər Zirvə toplantısından sonra həyata keçirilməsi planlaşdırılır.