Qərbi Trakiya türk azlığının lideri vəfatının 27-ci ildönümündə xatırlandı

  Türkiyə xarici işlər nazirinin müavini Yavuz Səlim Kıran “Lozanna müqaviləsi bir baxımdab Qərbi Trakya türklərinin də taleyidir” deyib.

  Qərbi Trakiya türk azlığının mərhum lideri Sadıq Əhməd vəfatının 27-ci ildönümündə məzarı başında təşkil edilən mərasimlə xatırlanıb. 

  Tədbirdə iştirak və çıxış edən Y.S.Kıram Sadıq Əhmədin haqq mübarizəsində unudulmaz bir simvol olduğunu ifadə edib, Lozanna müqaviləsinə də toxunub: "24 iyul Türkiyə Respublikasının qurucu sənədi kimi də xarakterizə edilən Lozanna müqaviləsinin 99-cu ildönümüdür. Türkiyə Cümhuriyyətinin quruluş sənədi sayılan Lozanna müqaviləsi, eyni zamanda Qərbi Trakiya türklərinin taleyi, Türkiyə Ruspublikası ilə o türklər arasında ortaq taleyin sənədi və rəsmi fotoşəkilidir. Bu səbəbdəndir ki, Lozanna müqaviləsinin hər bir maddəsinin ciddi şəkildə yerinə yetirilməsini yaxından izləyirik. Sözügedən maddələrə zidd addımların atılmasına qarşı mübarizə aparırıq.

  İnsan Haqları Məhkəməsinin də Yunanıstanda Qərbi Trakiya türk azlığının hüquqları ilə bağlı qərarları var.  Türkiyə Respublikası mərhum Sadıq Əhmədin hüzurunda daha bir daha söz verir ki, Yunanıstanın sözügedən qərarlarını yaxından izləməkdə davam edəcək”.

  Türkiyə xarici işlər nazirinin müavini Yavuz Səlim Kıran mərasimdə prezident Rəcəb Tayyib Ərdoğanın ünvanladığı məktubu da oxuyub.