Mövlud Çavuşoğlu Frank Volter Steinmaierlə görüşüb

Almaniyada səfərdə olan Türkiyənin xarici işlər naziri Mövlud Çavuşoğlu bu ölkənin prezidenti Frank Volter Steinmaierlə görüşüb. 

Bu barədə Mövlud Çavuşoğlu rəsmi "Twitter" səhifəsində paylaşım edib.

"Prezident Frank Volter Steinmaierlə əməkdaşlığımızı daha da inkişaf etdirmək məsələsini qiymətləndirdik", - deyə Mövlud Çavuşoğlu paylaşımında deyib.

Mövlud Çavuşoğlu Almaniya prezidenti ilə həmçinin miqrasiyaya dair müqavilənin 60-cı ildönümündə Türk ictimaiyyətinin vəziyyətini və uğurlarını müzakirə etdiklərini deyib. 

Mövlud Çavuşoğlu etdiyi digər paylaşımda isə Almaniyanın turizm məsələləri uzrə rəsmisi Tomas Bareislə görüşdüyünü və ona Türkiyənin təhlükəsiz turizm proqramı haqqında məlumat verdiyini deyib.