Qarabağda 4 Azərbaycan polisi şəhid oldu
Azərbaycan Respublikası Baş Prokurorluğu, Daxili İşlər Nazirliyi və Dövlət Təhlükəsizliyi Xidmətinin birgə yaydığı məlumatda yazılır ...
2039310
Qarabağda qeyri-qanuni erməni qüvvələrinin yerləşdirdiyi minanın partlaması nəticəsində 4 Azərbaycan polisi şəhid olub.
Azərbaycan Respublikası Baş Prokurorluğu, Daxili İşlər Nazirliyi və Dövlət Təhlükəsizliyi Xidmətinin birgə yaydığı məlumatda yazılır: “Azərbaycan Avtomobil Yolları Dövlət Agentliyinə məxsus yük maşını Xocavənd rayonunun Əhmədbəyli-Füzuli-Şuşa yolunda gedərkən minaya düşüb. Keçiddə baş verən partlayışda 2 nəfər həyatını itirib. Hadisə yerinə gedən polis maşını başqa minaya düşüb, növbəti partlayış baş verib.
Qeyri-qanuni erməni qüvvələrinin yerləşdirdiyi minanın partlaması nəticəsində 4 polis əməkdaşı şəhid olub.
Terror aktı kimi qiymətləndirilən hadisə ilə bağlı araşdırmalara başlanılıb”.
