Azərbaycan respublikasında sutka ərzində koronavirus infeksiyasına 2075 nəfər yoluxub, 2480 nəfər müalicə olunaraq sağalıb.

  Nazirlər Kabineti yanında Operativ Qərargahdan verilən məlumata görə, “Covid-19” üçün götürülən analiz nümunələri müsbət çıxmış 32 nəfər vəfat edib.

  Hazırkı dövrədək ölkədə 305 min 933 nəfərin koronavirus infeksiyasına yoluxması faktı müəyyən olunub. Onlardan 269 min 965 nəfər müalicə olunaraq sağalıb, 4235 nəfər vəfat edib. Aktiv xəstə sayı 31.733 nəfərdir.

  Ötən müddət ərzində 3 milyon 141 min 335 test aparılıb. Bugünkü test sayı isə 12.679-dur.