Dünyanın ən böyük fotoşəkli nümayişə çıxarıldı
"Gecə növbəsi" tablosu yüksək dəqiqlikli fotoşəkil kimi işlənərək sərgidə nümayişə çıxarılıb
Hollandiyanın paytaxtı Amsterdamdakı Reyx Muzeydə (Rijks Museum) yer alan, rəssam Rembrandt Harmens van Reynin (Rembrant Harmenszoon van Rijn) "Gecə növbəsi" tablosu yüksək dəqiqlikli fotoşəkil kimi işlənərək sərgidə nümayişə çıxarılıb.
Reyx Muzeydən edilən şərhdə bildirilir: “Rembrandta aid "Gecə növbətçisi" tablosu xüsusi bir üsulla fotoşəkil kimi işlənərək tamamlandı. Hər bir detalının görünə bildiyi 8439 fotoşəkildən ibarət, 717 gigapiksellik görünüşlü, ultra yüksək dəqiqlikli tək bir fotoşəkil halına gətirilən tablo sənətsevərlərə təqdim edildi. 5,6 terabaytlık fotoşəkildəki hər bir piksel insan qanındakı qırmızı qan hüceyrəsindən də kiçikdir”.
Layihənin rəhbəri Rob Erdmnan da yerli mətbuata verdiyi müsahibəsində deyib: "Tabloda ən kiçik ayrıntıları və fırça izlərini görə bilirsiniz. Fotoşəkil bir mikroskopla tabloya baxma hissini oyandırır. Bu, dünyanın ən böyük fotoşəklidir.
Layihə 2 ilə başa gəlib. Fotoşəkil çəkilişləri 2 ay, onların birləşdirilərək tək fotoşəkil halına gətirilməsi isə 6 ay sürüb”.
Qeyd edək ki, ildə təxminən 2 milyon adamın gəldiyi Reyx Muzeydə 18-ci əsrin əvvəllərində İstanbulda yaşamış rəssam Jan Batist Vanmurun (Jean Baptiste Vanmour) Osmanlı dövlətinin Lalə dövrünü qələmə aldığı tablo da nümayiş etdirilir.
Әlaqәli Xәbәrlәr
2024-cü ilin ilk 2 ayında Türkiyəyə ən çox turist hansı ölkələrdən gəlib?
Türkiyə Mədəniyyət və Turizm Nazirliyinin turizm statistikasından toplanan məlumatlara görə ...
Fizika üzrə Nobel mükafatı laureatı vəfat etdi
Bu barədə Edinburq Universitetinin yaydığı bəyanatda bildirilib.