Rusiyaya Türkiyədən yumurta idxalı
D.Patruşev "Rossiya" dövlət televiziya kanalına verdiyi açıqlamada Rusiyaya yumurta idxalı ilə bağlı deyib ...
Rusiyanın kənd təsərrüfatı naziri Dmitri Patruşev Türkiyədən yumurta idxalının iki-üç həftə ərzində vergidən azad ediləcəyini bildirib.
D.Patruşev "Rossiya" dövlət televiziya kanalına verdiyi açıqlamada Rusiyaya yumurta idxalı ilə bağlı deyib: “Yumurta mövsümi məhsuldur. Hal-hazırda yumurtanın qiymətinin artma səbəbi budur. Yanvardan yumurtanın qiymətinin aşağı düşəcəyinə ümid edirik. Çünki bu həftə bizə Azərbaycandan yumurta gələcək. Türkiyədən isə yumurta idxal vergisi olmadan 2-3 həftə ərzində çatacaq. Bu, qiymətləri tənzimləməyə imkan verəcək".
Qeyd edək ki, Rusiya prezidenti Vladimir Putin dekabrın 14-də etdiyi çıxışında yumurta idxalının vaxtında açılmaması səbəbindən ölkədə yumurta qiymətlərinin artdığını söyləyərək Türkiyədən yumurta idxal edəcəklərini və Rusiya-Türkiyə iqtisadi əlaqələrinin, o cümlədən kənd təsərrüfatı sahəsində yaxşı inkişaf etdiyini deyib.