Konfrans Liqasında "Beşiktaş”ın inamlı qələbəsi
Avropa Konfrans Liqasında 2-ci təsnifat mərhələsinin ilk oyunlarına yekun vurulub.
"Beşiktaş" UEFA Avropa Konfrans Liqasının 2-ci təsnifat mərhələsinin ilk oyununda Albaniya təmsilçisi "Tirana"nı 3:1 hesabı ilə məğlub edib.
Onur Bulut və Cekson Mulekanın qolları ilə ilk yarını 2:0 öndə tamamlayan "Beşiktaş" 83-cü dəqiqədə Kainanın qoluna mane ola bilməyib.
"Beşiktaş" klubunda böyüyən və ötən mövsümdən bəri zaman-zaman A komandasında oynamaq şansı qazanan Semih Kılıçsoy matçda son qolu vurub.
Gənc oyunçu, 90+4-cü dəqiqəsində cərimə meydançasının sağ diaqonalından sərt zərbə ilə qolunu vurub və mübarizə “Beşiktaş”ın 3-1 üstünlüyü ilə başa çatıb.
Bu qol həm də Semihin peşəkar karyerasında vurduğu ilk qol kimi qeydə alınıb.
Avropa Konfrans Liqasında 2-ci təsnifat mərhələsinin ilk oyunlarına yekun vurulub.
Son gündə daha 42 qarşılaşma baş tutub.