DÇ: Qrup mərhələsinin ilk oyunları başa çatıb
Qətərdə keçirilən futbol üzrə 2022 dünya çempionatının qrup mərhələsinin ilk oyunları başa çatıb.
8 qrupda oynanılan 16 matçdan 5-i bərabərliklə nəticələnib.
41 qolun qeydǝ alındığı ilk qrup matçlarının 4-də hesab açılmayıb.
İlk oyunlarda darmadağına sevinǝn İspaniya və İngiltərə olub.
2010-cu il Dünya Kuboku çempionu İspaniya, Kosta Rikanı 7-0, 1966-cı ilin qalibi İngiltərə isə İranı 6-2 hesabı ilə məğlub edib.
İlk matçların ən böyük sürprizi Səudiyyə Ərəbistanı və Yaponiya olub.
Səudiyyə Ərəbistanı turnirin favoritlərindən olan Argentinanı 2:1 hesabı ilə Yaponiya isǝ Almaniyanı eyni hesabla udub.
İlk matçlarda hǝr biri 2 qol vuran futbolçu sayı 6 olub:
“Ekvadorun “Fənərbaxçalı” futbolçusu Enner Valensiya, İngiltərənin Bukayo Saka, iranlı Mehdi Taremi, fransalı Olivye Qriud, ispaniyalı Ferran Torres və braziliyalı Rişarlison 2 qol vurub”.
Portuqaliyanın ulduz futbolçusu Cristiano Ronaldo, Qananı 3-2 məğlub etdikləri matçda vurduğu qolla 5 fərqli Dünya Kubokunda (2006, 2010, 2014, 2018, 2022) toru havalandıran ilk ad olaraq tarixə düşdü.
Sözügedən matçlarda hakimlər qırmızı vərəqə üçün müraciət etməsələr də, 56 sarı vərəqə göstərilib.