“Lion” və “Marsel” qarşılaşması yarımçıq qalıb

Turun qapanış matçında Lion və Marsel “Olimpik”ləri qarşılaşıb. Lakin bu görüş yarımçıq qalıb. Buna yerli azarkeşlərin qonaq futbolçulara oynamaq imkanı verməmələri səbəb olub. Belə ki, matçın 3-cü dəqiqəsində Marsel təmsilçisi künc zərbəsi yerinə yetirmək istəyərkən, tribunadan yad əşyalar atılıb. Nəticədə yarımmüdafiəçi Dimitri Payetin başına su qabı dəyib. Qarşılaşmanın baş hakimi komandaları meydandan çıxarıb. Uzun sürən müzakirələrdən sonra oyunun davam etdirilməməsi qərara alınıb və görüş təxirə salınıb.