“Çelsi” vә PSJ klubu yarımfinalda

London təmsilçisi İngiltərə klubları arasında qitənin ən nüfuzlu klub turnirinin yarımfinalına ən çox vəsiqə qazanan komandaya çevrilib.

1/4 finalda “Portu” ilə mübarizə aparan “zadəganlar” səfərdə 2:0 hesablı qələbəyə sevinsələr də, doğma meydanda məğlub olublar - 0:1. Lakin bu, “Çelsi”nin yarımfinala yüksəlməsinə mane olmayıb. Bununla da London klubu tarixində 8-ci dəfə ÇL-in yarımfinalında oynamaq şansı əldə edib.

Paris təmsilçisi “PSJ” isә 1/4 finalda Almaniyanın “Bavariya” klubunu mübarizədən kənarlaşdırıb.

Münhendə rəqibini 3:2 hesabı ilə üstələyən PSJ cavab qarşılaşmasında 0:1 hesabı ilə uduzsa da, səfərdə daha çox qol vurduğu üçün yarımfinala adlayıb. Bununla da Çempionlar Liqasının tarixində ilk dəfə son qalib finalda məğlub etdiyi komandaya pley-offda yenilib. Bu barədə UEFA-nın rəsmi saytı məlumat yayıb.

Xatırladaq ki, 2020-ci il Çempionlar Liqasının finalında "Bavariya" PSJ-yə minimal hesabla qalib gəlmişdi - 1:0.