Ərdoğan ilk türk astronavt Alper Gezeravcı ilə videokonfrans vasitəsilə görüşüb

Prezident Rəcəb Tayyib Ərdoğan Milli Kosmos Proqramının ilk mərhələsi olan "İlk insanlı kosmos missiyası" çərçivəsində bu gecə Beynəlxalq Kosmik Stansiyaya (BKS) göndəriləcək ilk türk astronavt Alper Gezeravcı ilə videokonfrans vasitəsilə görüşüb. 

Nazirlər Kabinetinin iclası zamanı keçirilən görüşdə dövlət başçısı "Kosmos missiyasını yerinə yetirən ilk vətəndaşımız olacaqsınız. Millətimizi həqiqətən qürurlandıracaqsınız. Hazırsınızmı?" sualına Alper Gezeravcı bu vəzifəni bütün gücləri ilə yerinə yetirməyə hazır olduqlarını bildirib.

Prezident Ərdoğan deyib: "Bu missiya həm elmi missiya olması, həm də uşaqlarımız və gənclərimiz üçün ilham mənbəyi olması baxımından çox dəyərlidir. Bunun yeni bir başlanğıc olacağına ümid edirəm. Bu missiyanı davam etdirəcəyik. Hədəfi həmişə daha yüksəklərə qaldıracağıq. Sənə və komanda heyətinə uğurlar arzulayıram. Ümid edirəm ki, bu missiyanı sağ-salamat başa vurasınız. Allah köməyiniz olsun".

Alper Gezeravcı da "Gələcək nəsillərimiz üçün xəyallarımızı məhdudlaşdıran bu pərdənin açılmasında  imkan yaratdığınız üçün sizə minnətdarıq. Çox sağ olun" deyib.