Yunus Emre İnstitutu türkce öyrənmək istəyənlərin ehtiyacı olan əsərləri rəqəmsallaşdırıb

Əcnəbilərə türk dili tədrisi sahəsində qabaqcıl qurumlardan biri olan Yunus Emre İnstitutu (YEİ) epidemiya dövründə türkce öyrənmək istəyənlərin ehtiyacı olan əsərləri rəqəmsallaşdırıb.

Sahədən qazandığı təcrübə ilə hər gün material hovuzuna yenisini əlavə edən YEİ əsas tədris materialı "Türkcə Öyrənirəm Kitabı Dəsti" və oxumaq üçün əlavə materialı "Türkcənin Səsi Yunus Emre Hikayeleri" adlı əsərlərini "Google Play" mağazasında Türk dilini xarici dil olaraq öyrənənlərin istifaqəsinə təqdim edib..

YEİ-nin verdiyi açıqlamaya görə, müxtəlif ölkələrdəki 58 mədəniyyət mərkəzi ilə minlərlə insana həm rəsmi, həm də onlayn şəkildə türk dili öyrədən institut epidemiya dövründə mövcud rəqəmsal fəaliyyətlərini artırmağa davam edir.

İnstitut zamandan və məkandan asılı olmayaraq türk dilini öyrətmək üçün hazırladığı "www.learnturkish.com" saytı vasitəsi ilə 194 ölkədən 381 min nəfərə türk dilini pulsuz öyrədir.