“Google” təzminat ödəməyə razılaşdı

  ABŞ-da fəaliyyət göstərən onlayn məlumat toplama şirkəti “Google” "anonim" rejimdə aparılan axtarışların qeydlərini saxladığına görə 5 milyard dollardan çox təzminat ödəməyə razılaşıb.

  Kaliforniyanın Şimal Dairə Məhkəməsindəki sənədlərə görə, “Google” onlayn axtarışda anonim seçimdən istifadə etmələrinə baxmayaraq, məlumatları icazəsiz istifadə edilən 50 iddiaçını təmsil edən üç hüquq firması ilə razılığa gəlib.

  Müqaviləyə əsasən, "Google" icazəsiz məlumatların qeydlərinin aparılmasına görə 5 milyard dollardan çox təzminat ödəməyə razılaşıb.

  “Google” həmçinin milyonlarla istifadəçinin baxış tarixçəsi ilə bağlı məlumatları siləcək.

  Bu müqavilə dominant texnologiya şirkətlərindən istifadəçi məlumatlarını necə toplayıb istifadə etdikləri, toplanmış məlumatları necə silib düzəltmələri ilə bağlı istifadəçilərə öz təmsillərində dürüst olmalarını tələb edən tarixi bir addımdır. Eyni zamanda, bu müqavilə dünyanın ən böyük məlumat toplayıcısının həqiqi hesabatlılığını və şəffaflığını təmin edir və internetdə məxfilik hüququnun təkmilləşdirilməsi və qorunması istiqamətində mühüm addımdır.

  Təxminən 4 il əvvəl açılan iddiada “Google” anonim axtarış seçimindən istifadə edərək hər kəsin fəaliyyətini necə izlədiyi barədə istifadəçiləri çaşdırmaqda ittiham olunmuşdu. ABŞ Ədliyyə Departamenti “Google”a qarşı monopoliya siyasəti həyata keçirdiyini bildirərək biri 2020-ci ildə, digəri isə 2023-cü ildə olmaqla iki ayrı "antiinhisar iddiası” qaldırmışdı.