Harvard Universiteti ABŞ hökumətinin araşdırması ilə üz-üzə

  Harvard Universiteti ərəb və müsəlman tələbələrin vətəndaş hüquqları ilə bağlı şikayətindən sonra mümkün ayrı-seçkiliyə görə ABŞ hökumətinin araşdırması ilə üz-üzədir.

  “Anadolu” agentliyi xəbər verir ki, 2023-cü ilin oktyabrında İsrail-Həmas  qarşıdurması başlayandan bəri ABŞ Təhsil Departamenti orta məktəblərdə, kolleclərdə və universitetlərdə ayrı-seçkilik halları ilə bağlı 60-dan çox araşdırmaya başlayıb.

  "Biz tələbələrin təhsil hüquqlarının qorunmasını təmin etmək üçün Vətəndaş Hüquqları İdarəsinin işini dəstəkləyirik və onların suallarını cavablandırmaq üçün ofislə birlikdə işləyəcəyik", - deyə “İvy League” hüquq məktəbinin sözçüsü Ceyson Nyuton bildirib.

  Yanvar ayında tələbələrin adından şikayət edən Amerika Müsəlman Hüquq Fondu bildirir ki, onlar fələstinlilərin və bütün müsəlmanların hüquqlarının tərəfdarı olduqları üçün geniş yayılmış təqib və irqçi hücumlara məruz qalır.

  Hüquq Fondu bildirib: "Bizim şikayətimiz təqib, qorxutma və təhdidlərə məruz qalan 10-dan çox tələbənin Harvard tərəfindən müdafiə edilməməsi ilə bağlıdır. Bu təhqiqat təhlükəsiz mühitdə təhsil almaq hüququna və fikirlərini ifadə etmək azadlığına layiq olan tələbələr üçün hesabatlılıq və ədalətə doğru mühüm addım deməkdir”.