İsrailin hücumları nəticəsində həlak olan fələstinlilərin sayı açıqlandı

2023-cü il oktyabrın 7-dən bu yana İsrailin intensiv hücumlarına məruz qalan Qəzza zolağında həlak olanların sayı 26900-ə çatıb.

Qəzzadakı Fələstin Səhiyyə Nazirliyinin sözçüsü Əşrəf əl-Kudra İsrailin Qəzza zolağına 117 gündür davam edən hücumları ilə bağlı məlumat verib. İsrail qüvvələrinin Qəzza zolağında son 24 saatda daha 150 fələstinlini öldürdüyünü, 313 fələstinlini də yaraladığını bildirən Kudra 7 oktyabrdan bu yana Qəzzada öldürülən fələstinlilərin sayının 26900, yaralıların sayının isə 65 945-a yüksəldiyini qeyd edib.

Fələstin Səhiyyə Nazirliyinin sözçüsü dağıntılar altında və yol kənarında hələ də ölülərin olduğunu, lakin həkim briqadaları və mülki müdafiə əməkdaşlarının cəsədlərin olduğu bölgəyə gedə bilmədiyini vurğulayıb.