İsrail qüvvələrinin qaçqınlar düşərqəsinə etdiyi hücumda 4 fələstinli ölüb

İsrail ordusunun işğal altındakı İordan çayının qərb sahilindəki Tulkərim şəhərindəki Nur Şəms qaçqınlar düşərgəsinə kamikadze pilotsuz uçuş aparatı (PUA) ilə həyata keçirdiyi hücumda 4 fələstinli həyatını itirib.
İsrail ordusu səhər saatlarından eribarən Nur Şəms qaçqınlar düşərgəsinə hücum edir.
Fələstin Səhiyyə Nazirliyindən verilən bəyanatda Nur Şəms qaçqınlar düşərgəsinə hücum edən İsrail ordusunun 4 fələstinlini öldürdüyü bildirilib.
Oktyabrın 7-dən bəri işğal altındakı İordan çayının qərb sahilində İsrail qüvvələri və yəhudilər tərəfindən öldürülən fələstinlilərin sayı 73-ə yüksəlib.