BMT Cənubi Sudanda ərzaq böhranın aradan qaldırılmasına çağırıb

Birləşmiş Millətlər Təşkilatı (BMT) Cənubi Sudanda dərinləşən ərzaq böhranının qarşısını almaq üçün təcili tədbirlər görməyə və daha çox investisiyaya çağırıb.
BMT-nin Ərzaq və Kənd Təsərrüfatı Təşkilatının (FAO) baş direktoru Çjou Donqyu, Ümumdünya Ərzaq Proqramının (ÜƏP) icraçı direktoru Sindi Makkeyn və Beynəlxalq Kənd Təsərrüfatının İnkişafı Fondunun (IFAD) prezidenti Alvaro Lario Cənubi Sudana üç günlük səfərindən sonra birgə yazılı bəyanatla çıxış ediblər. 

Ekstremal iqlim hadisələrinin və infrastrukturun çatışmazlığının Cənubi Sudan xalqına dağıdıcı təsirinə toxunulan bəyanatda ölkədə dərinləşən ərzaq böhranının qarşısını almaq üçün təcili tədbirlər görülməsinə və daha çox sərmayə qoyulmasına çağırış edilib.

Bəyanatda təcili tədbirlər görülməyəcəyi və ərzaq təhlükəsizliyi, iqlim problemləri və təhlükəsizliyə sərmayə qoyulmayacağı təqdirdə Cənubi Sudanın ciddi humanitar böhranla üzləşəcəyi vurğulanıb.

Bildirilib ki, Cənubi Sudanda münaqişə, iqlim dəyişikliyi və artan xərclər dünyada açıqlığın ən yüksək səviyyələrindən birinə səbəb olur. Cənubi Sudanın Şərqi Afrikanın kənd təsərrüfatı mərkəzi olmaq potensialı var, lakin iqlim böhranı, zəif kənd təsərrüfatı infrastrukturu, qeyri-sabitlik və ölkədəki iqtisadi problemlər buna mane olur.

Bu vəziyyətin ölkədə heyvandarlıq sahəsində məhsuldarlığa mənfi təsir göstərdiyi, bunun da qidanın mövcudluğunu pozduğunu bildirilib.

Bundan əlavə, Cənubi Sudanda davam edən aclıq böhranına son qoymaq, daha çox mənfiliklərdən imtina etmək və gələcək böhranları yumşaltmaq üçün davamlı fəaliyyətə ehtiyac olduğu qeyd edilərək, bunun üçün böyük investisiyalara ehtiyac olduğu vurğulanıb.