Avropa İttifaqından Moldova və Gürcüstana hərbi yardım

Avropa İttifaqı Moldova və Gürcüstan Silahlı Qüvvələrinə onların milli təhlükəsizliyini gücləndirmək və müdafiə etmək məqsədilə Avropa Sülh Fondu çərçivəsində yardım haqqında qərar qəbul edib. 

Bu barədə Avropa İttifaqı Şurasından verilən məlumatda bildirilib.

Bu çərçivədə Ukrayna ilə namizəd ölkə statusu almış Moldovaya 40 milyon avro, Gürcüstana isə 30 milyon avro yardım veriləcək. Avropa İttifaqı mart ayında  Ukrayna, Moldova və Gürcüstan kimi Rusiyanın təhlükəsi altında olan ölkələrə hərbi yardım üçün istifadə edilən Avropa Sülh Fondunu təxminən 8 milyard avroya qədər artırmaq qərarına gəlib.