Rusiya ilə Myanma arasında əməkdaşlığa dair müqavilə imzalanıb

Rusiya və Myanma arasında nüvə texnologiyalarından istifadə üzrə əməkdaşlığı inkişaf etdirmək üçün hökumətlərarası saziş imzalanıb.
Rusiya Dövlət Atom Enerjisi Agentliyi (Rosatom) tərəfindən verilən bəyanata görə, imzalanma mərasimi ''Rosatom'' və Myanma Elm və Texnologiya Nazirliyinin birgə layihəsi olan Myanmanın Yanqon şəhərindəki Nüvə Texnologiyaları İnformasiya Mərkəzində keçirilib.
Saziş çərçivəsində Rusiya və Myanma xüsusilə kiçik atom elektrik stansiyalarının həyata keçirilməsində əməkdaşlıq edəcək. Rəsmi imzalanma mərasimindən sonra ''Rosatom''un baş direktoru Aleksey Lixaçev Myanma texniki universitetlərinin tələbələri üçün nüvə texnologiyaları mövzusunda konfrans keçirib və tələbələrin suallarını cavablandırıb.
Lixaçev bu il Rusiya-Myanma münasibətlərinin 75-ci ildönümünün qeyd edildiyini ifadə edərək deyib: "Ölkədə yeni sənayenin yaradılması, şübhəsiz ki, Myanmanın enerji sektoruna, sənayesinə və iqtisadiyyatına fayda verəcək. Biz Myanmanın Rusiyanın nüvə texnologiyasına üstünlük verməsini yüksək qiymətləndiririk".