Yəməndə partlayış, ölən və yaralananlar var

Yəmənin müxtəlif şəhərlərində son iki gündə mina və müharibə qalıqlarının partlaması nəticəsində bir uşaq ölüb, 13 nəfər yaralanıb.
Məlumata əsasən, Yəmənin Hudeyde şəhərinin El-Hali bölgəsinin  Es-Salam məhəlləsində minanın partlaması nəticəsində 1 uşağın öldüyü, 1 uşağın isə yaralandığı bildirilib.
Saada, Cevf, Hacce və Lahic şəhərlərində mina və hərbi sursatların partlaması nəticəsində 4-ü uşaq, 2-si də qadın olmaqla 12 nəfər yaralanıb.
Bu məlumatların son 48 saat ərzində qeydə alındığı və partlayışlara görə heç kimin məsuliyyət daşımadığı bildirilib.
Yəmən hökumətindən məsələ ilə bağlı açıqlama  verilməyib.