Fransada təbii qaz və elektrik istehlakı azalıb
Fransanın, Rusiyanın Avropaya təbii qaz tədarükünü kəsməsi nəticəsində yaranan enerji böhranını aradan qaldırmaq üçün tətbiq etdiyi qənaət tədbirləri töhfə verməyə başlayıb.
1928004
TRT-nin La Fiqaro qəzetinə istinad etdiyi xəbərə görə, Fransada həyata keçirilən tədbirlər nəticəsində dekabrın sonunadək elektrik istehlakı 2022-ci il avqustun 1-dən 2023-cü il yanvarın 1-dək, 2018-2019-cu ilin müvafiq dövrü ilə müqayisədə 8,5%, qaz istehlakı isə 12 faiz azalıb.
Hava şəraitinə baxmayaraq tətbiqinə davam edilən qənaət tədbirləri ilə ölkə üzrə elektrik enerjisi istehlakının azalmağa davam edəcəyi proqnozlaşdırılır.
20-dən çox nüvə reaktoru təmirdə olan ölkədə, Rusiyanın təbii qaz tədarükünü kəsməsinə baxmayaraq, təbii qazdan elektrik enerjisi istehsalı 2018-2019-cu illərlə müqayisədə 38 faiz artıb.
