2022-ci ildə ABŞ hava limanlarında ələ keçirilən silah sayı

  ABŞ-da 2022-ci ildə hava limanının nəzarət-buraxılış məntəqələrində 6301 odlu silah ələ keçirilib.

  ABŞ Nəqliyyat Təhlükəsizliyi İdarəsindən verilən açıqlamada qeyd olunub ki, bu il hava limanının təhlükəsizlik nəzarət məntəqələrində ələ keçirilən odlu silah sayı bu günə qədər ən yüksək rəqəm sayılır. Keçən il bu rəqəm 5972 olub.

  Ələ keçirilən odlu silahların 88 faizinin dolu olduğu qeyd edilib.

  ABŞ-da aviaşirkətdən istifadə edən sərnişinlər odlu silahlarını boş olması şərti ilə baqajlarına qoya bilərlər. Sərnişinlər, hətta daşıma icazəsi olsa belə, silahlarını əllərində və ya kabin baqajında ​​saxlaya bilməzlər.

  Ölkədə əl yükündə silah olanlara tətbiq edilən cəza 13 min 910 dollardan 14 min 950 dollara qaldırılıb.

  Bu arada, ABŞ-ın Nyu-York ştatında tərksilahı təşviq etmək üçün “Silahlarını gətirənlərə 500 dollar” kampaniyası başladılıb. Bruklin (Brooklyn) prokuroru Erik Qonzales (Eric Gonzales) və Nyu York Polis Departamentinin (NYPD) dəstəklədiyi kampaniyada odlu silahını təhvil verən hər kəsə silahın növündən asılı olaraq 50-500 dollar ödənilir. Silahını gətirən hər kəsə şəxsiyyət vəsiqəsi istənilmədən, sual verilmədən 50, 150 və 500 dollarlıq hədiyyə kartları təqdim edilir.