Şimali Koreya daha iki balistik raket sınağı keçirib
Yaponiya, Şimali Koreyanın bu gün səhər (17 Yanvar) daha iki ballistik raket sınağı keçirdiyini bildirib.
Yaponiyanın müdafiə naziri Kişi Nobuo bu barədə açıqlama verib. Bildirib ki, Şimali Koreya yerli vaxtla 08:49 və 08:52-də iki ballistik raket atıb. Ən çox 50 kilometr yüksəklikdə 300 kilometr qət etdiyi təxmin edilən raketlər dənizə düşüb. Nazir: “Aydındır ki, Şimali Koreya raket texnologiyasını inkişaf etdirməyə çalışır. Son zamanlar silsilə sınaqlar beynəlxalq ictimaiyyət üçün ciddi problem olub”.
Yaponiya Nazirlər Kabinetinin Baş Katibi Matsuno Hirokazu da bildirib ki, sınaqlar nəticəsində təxribatın olub-olmadığına dair hələlik məlumat yoxdur. Lakin Tokio hökuməti Yaponiyanın Pekindəki səfirliyi vasitəsilə Pxenyana rəsmi reaksiyasını çatdırıb. Baş Katib qeyd edilib ki, raketlərin Yaponiyanın milli eksklüziv iqtisadi zonasından kənara düşdüyü ehtimal olunur.
Cənubi Koreyanın Baş Qərargah Komandirliyindən yayılan açıqlamada isə qısa mənzilli ballistik raketlərin paytaxt Pxenyanın yaxınında yerləşən Sunan hava limanından atıldığı bildirilib.
Әlaqәli Xәbәrlәr
Avropada ekstremal istilik stresi
“Kopernikus” İqlim Dəyişməsi Xidməti və Ümumdünya Meteorologiya Təşkilatının məlumatına görə ...