Koronavirusun yeni variantı “Omicron” ilə bağlı şad xəbər
Amerika Birləşmiş Ştatları (ABŞ) Xəstəliklərə Nəzarət və Qarşısının Alınması Mərkəzi (CDC) Covid-19-un Omicron variantında ölüm və xəstəxanaya yerləşdirmə riskinin Delta ilə müqayisədə daha az olduğunu bildirib.
CDC direktoru Rochelle Walensky Ağ Evdəki mətbuat konfransında bu barədə danışıb: “Covid-19”-un Omicron variantı son həftələrdə sürətlə yayılır. Baxmayaraq, xəstəxanaya yerləşdirmə və ölüm nisbətləri Delta variantı ilə müqayisədə daha azdır. Son 7 gündə pozitiv hadisələrin sayı bir əvvəlki həftə ilə müqayisədə 60% artaraq gündə təxminən 240 min, xəstəxanada yerləşdirilmələr 14% artım ilə 9 min olaraq qeydə alınıb. Ölüm nisbəti isə 7% azalaraq gündə təxminən 1100-ə enib”.
ABŞ Allergiya və Yoluxucu Xəstəliklər İnstitutunun direktoru Dr. Anthony Fauci də “Omicron”-un Delta variantı ilə müqayisədə müsbət hallarda və xəstəxanaya yerləşdirmələrdə daha aşağı bir qrafik izlənəcəyini, Covid-19 əleyhinə peyvəndlərin mübarizə üçün kritik olacağını vurğulayıb. “Omicron”-a qarşı ikinci gücləndirici peyvəndə zərurət ola biləcəyini ifadə edən Fauci əlavə etdi ki, mövcud gücləndirici vaksinlərin nə qədər qorunma təmin etdiyinə dair kifayət qədər məlumat yoxdur.
