İndoneziyada vulkan püskürməsi nəticəsində ölənlərin sayı artıb

TRT  xəbər verir ki, ölənlərin sayı 34 nəfərə çatıb. Ötən gün 22 nəfərin öldüyü deyilirdi.

Daha 16 nəfər itkin düşüb. Bundan başqa, 50-yə yaxın şəxs müxtəlif dərəcəli xəsarətlər alıb. Bölgədə axtarış işləri davam etdirilir.

Qeyd edək ki, Semeru vulkanı dekabrın 4-də püskürüb. 3 min  676 metr hündürlüyü olan Semeru İndoneziyada aktiv olan 130 vulkandan biridir.