Almaniya kansleri Angela Merkel hərbçilərlə vida mərasimi keçirib

Almaniya Müdafiə Nazirliyinin həyətində keçirilən mərasim yerli telekanallar vasitəsilə yayımlanıb.

Merkel tədbirdə etdiyi çıxışında yeni Nazirlər Kabinetinə uğurlar arzulayıb. Kansler vida mərasimində hərbi orkestrə mahnı sifariş edib.

Almaniyada mövcud olan ənənəyə görə, yüksək vəzifəli siyasətçi vida mərasimi üçün Bundesver Orkestrinə bir neçə musiqi sifariş verə bilər. Merkel də alman pank-rok əfsanəsi Nina Hagenin “You Forgot Your Color Film” (Du hast den Farbfilm vergessen – “Rəngli filmini unutmusan”) mahnısını seçib.

Siyasətçi bu seçimini belə izah edib ki, sifariş etdiyi musiqi gənclik illərində daha çox diqqətini çəkib.

Bundan əlavə, hərbi orkestr 1950-ci illərin alman müğənnisi və aktrisası Hildegard Knefin mahnısını, həmçinin, kilsə kompozisiyasını ifa edib.

Qeyd edək ki, mərasim dövlət himninin səsləndirilməsi ilə başa çatıb.

Merkelin hələ bir neçə gün kansler səlahiyyətlərini icra edəcəyi bildirilir.

Xatırladaq ki, xanım Merkel 16 il Almaniyanın kansleri olub.