Ekvador həbsxanasında toqquşmada ölənlərin sayı artmaqda davam edir

Ekvadorun qərbində yerləşən Quayakil həbsxanasında baş verən toqquşmalarda ölənlərin sayı 116 nəfəri ötüb.

İnsident zamanı xəsarət alanlarının sayının isə 80-ə çıxdığı bildirilib. 

Həbsxanadakı vəziyyətlə əlaqədar olaraq Ekvador prezidenti Gilyermo Lasso ölkənin həbsxana sistemində 60 günlük fövqəladə vəziyyət rejimi tətbiq edib.

Rəsmi açıqlamalara görə, həbsxanada baş verən atışmaya səbəb müxtəlif dəstə nümayəndələri arasında yaranan münaqişə olub. Hazırda həbsxanada vəziyyətin nəzarətə götürüldüyü bildirilir.