Misir və Fransa Qırmızı dənizdə hərbi təlim keçirib

Misir Ordusunun mətbuat katibi Polkovnik Tamir er-Rifai sosial media hesabında ortaq manevr ilə əlaqəli açıqlama verib. Qeyd edib ki, manevdə Misir Donanmasından “Secem al-Fatih” freqatı, Fransa Donanmasından “Charles de Gaulle” döyüş gəmisi, eləcə çox sayda təyyarə və dəniz qüvvələri iştirak edib. Rifainin sözlərinə görə hərbi manevrdə hər iki tərəfin maraqlarına xidmət edəcək ənəmiyyətli birgə təlimlər icra edilir.

Rifai həmçinin qeyd edib ki, “2021 Ramses” ortaq hərbi manevr ilə eyni vaxtda Misirdə adı açıqlanmayan bir hava bazasında, Misir və Fransa silahlı qüvvələri arasındakı əməkdaşlıq, iki ölkənin ortaq maraqları və bölgədə sabitliyə nail olmaq səyləri çərçivəsində ortaq hava təlimi keçirilib.