Hindistanda koronavirus xəstələrinin olduğu xəstəxanada yanğın baş verib, ölənlər olub
Hindistanın Qucarat ştatında "Covid-19" xəstələrinin müalicə aldığı xəstəxanada baş verən yanğında 15 nəfər ölüb.
1631803
Hindistanın Qucarat ştatında "Covid-19" xəstələrinin müalicə aldığı xəstəxanada baş verən yanğında 15 nəfər ölüb.
Hadisə Bharuç şəhərindəki xəstəxananın "Covid-19" xəstələrinin yerləşdirildiyi 4-cü mərtəbəsində gecə saat 1:00 radələrində baş verib.
Hadisə yerinə cəlb olunan yanğınsöndürənlər xəstəxananın digər mərtəbələrində olan 50 pasiyenti təxliyə ediblər. Onlar ilk olaraq 12 nəfərin meyitini aşkarlayıblar. Axtarış işlərinin gedişində daha 6 meyit tapılıb. Onların bəzisi yanğın xəsarətindən, digərləri isə tüstüdən boğularaq ölüb.
Hələlik yanğının nədən baş verdiyi bilinmir.