Güclü fırtınadan sonra yaranan daşqınlar Nəşvill şəhərində azı dörd nəfərin ölümünə səbəb olub

ABŞ-ın Tennesi ştatında güclü fırtınadan sonra yaranan daşqınlar Nəşvill şəhərində azı dörd nəfərin ölümünə səbəb olub.

ABŞ Milli Hava Xidməti Nəşvildə daşqın olacağına dair xəbərdarlıq edib. 

Şəhər polis idarəsinin məlumatına görə, dörd nəfərin cansız bədəni aşkarlanıb və onların ölümü ilə bağlı araşdırma aparılır.

Qeyd edək ki, ABŞ Milli Hava Xidməti fərqli ştatlarda hava şəraitinin pisləşəcəyi ilə bağlı xəbərdarlıqlar da edib.