Devid Besley Yәmәndәki humanitar böhranla bağlı çağırış edib

Birlәşmiş Millәtlәr Tәşkilatının Dünya Әrzaq Proqramının icraçı direktoru Devid Besley Yәmәndәki ac vә müdafiәsiz insanlara yardım etmәk mәqsәdilә maliyyә yardımına ehtiyac olduğunu bildirib.

Mәkәzi Romada yerlәşәn qurumdan verilәn bәyanata görә, Dünya Әrzaq Proqramının icraçı direktoru Devid Besley Yәmәnә sәfәr edib.

Devid Besley sәfәr çәrçivәsindә paytaxt Sәnadakı bir xәstәxanaya baş çәkib.

Yәmәndә sülhün tәcili tәmin olunması ilә әlaqәdar çağırış edәn Devid Besley müdafiәsiz vә aclıqla üzlәşәn ailәlәrә yardım etmәk üçün maliyyә yardımına ehtiyac olduğunu qeyd edib.

‘‘Yәmәndәki insanların yarısından çoxu әrzaq qıtlığı ilә mübarizә aparır. Bu hәqiqәtәn dә  acınacaqlı vәziyyәtdir. Buna qarşı bir peyvәndimiz var vә buna әrzaq deyirik. İnsanları xilas etmәk üçün maliyyә yardımına ehtiyacımız var’’,-deyә Dünya Әrzaq Proqramının icraçı direktoru vurğulayıb.