Papa sabah İraqa səfərə gedir
Katoliklərin dini lideri və Vatikan dövlət başçısı Papa Fransisk sabah (5 Mart) İraqa səfər edəcək.
Vatikan sozçüsü Matteo Bruni keçirdiyi mətbuat konfransında Papanın 5-8 martda baş tutacaq İraq səfərindən danışıb.
2019-cu ilin noyabrında Tayland və Yaponiya ziyarətlərindən sonra koronavirusun yayılması ilə əlaqədar 2020-ci ildə səfərlərini təxirə salan Papa martın 6-da Nəcəf Şiə dini lider Ayetullah Əli Es-Sistani ilə görüşəcək. martın 7-də isə Ərbil şəhərində olacaq. Burada İraq Kürd Regional Rəhbərlik ilə bir araya gələcək. Mosul və Qaraquşa baş çəkəcək. Martın 8-də Vatikana qayıdacaq.
Vatikan sozçüsü Matteo Bruni qeyd edib ki, “Pandemiya səbəbindən təxminən 16 aydır xaricə səfər etməyən Papa xaricə olan 33-cü səfərini İraqa reallaşdıracaq. Bruninin sözlərinə görə səfər bölgədə yaşayan xristianlarla həmrəylik, dinlərarası görüş üçün fürsət məqsədi daşıyır.