BMT-nin Somaliya yardım üzrә missiyası Somalidә baş verәn toqquşma ilә bağlı bәyanat yayıb

Birlәşmiş Millәtlәr Tәşkilatının Somaliyә yardım üzrә missiyası Somalidә gecә radәlәrindә yaşanan qarşıdurmaya görә narahat olduğunu açıqlayıb.

Bu barәdә BMT-nin Somaliyә yardım üzrә missiyasının rәsmi ‘‘Twitter’’ sәhifәsindә verilәn mәlumatda bildirilib. Somalinin paytaxtı Moqadişoda yaşanan qarşıdurmadan sonra verilәn bәyanatda bütün tәrәflәrә soyuqqanlı olmaları ilә әlaqәdar çağırış edilib.

Gәrginliyin aradan qaldırılması üçün dialoqla bağlı çağırış da edәn Birlәşmiş Millәtlәr Tәşkilatının Somaliyә yardım üzrә missiyasından verilәn başqa bәyanatda deyilir: ‘‘Qarşıdurmalar federal hökumәt ilә әyalәt rәhbәrliklәrinin sentyabrın 17-dә seçkilәrin keçirilmәsi üçün bir araya gәlmәlәrinin zәruriliyini göstәrir’’.

Ölkәdә gәrginlik davam edir. Tәhlükәsizlik qüvvәlәri keçmiş Baş nazir Әli Kheyre rәhbәrliyindәki bәzi müxaliflәrin bu gün hava limanı yaxınlığında aksiya keçirmәk istәmәsinә sәrt müdaxilә edib.