İndoneziyada baş verən zəlzələ nəticəsində həyatını itirənlərin sayı 56 nəfərə çatıb

İndoneziyanın Sulavesi adasında baş verən zəlzələ nəticəsində ölənlərin sayı 56 nəfərə çatıb. Təbii fəlakət nəticəsində 800-dən çox adam da xəsarət alıb. Xəsarət alan 201 nəfərin müalicəsi xəstəxanada davam etdirilir. 

Zəlzələ nəticəsində dağılan binalarda axtarış-xilasetmə əməliyyatları davam etdirilir.

Qeyd edək ki, yanvarın 15-də İndoneziyanın Sulavesi adasında yerli vaxtla saat 01.28-də 6,2 bal gücündə zəlzələ baş verib. Zəlzələnin episentri Mejene şəhərinin 6 kilometr şimal-şərqində, ocağı isə yerin 10 kilometr dərinliyində yerləşib. Yeraltı təkanlar Palu və Makasar şəhərlərində də hiss edilib.