Gürcüstanda silahlı insident, ölənlər var

Gürcüstanın Rustavi şəhərindəki bazarda baş verən silahlı hücum nəticəsində 4 nəfər ölüb, 1 nəfər yaralanıb.
Daxili İşlər Nazirliyindən verilən yazılı açıqlamada, paytaxt Tbilisidən təxminən 40 kilometr uzaqlıqda yerləşən Rustavi şəhərindəki "İstanbul" adlı bazarda silahlı hücum törədildiyi bildirilib.
Hücum nəticəsində 4 nəfərin öldüyü, 1 nəfərin isə xəstəxanaya yerləşdirildiyi qeyd olunub.
Hücumu törədən şəxsin saxlanıldığı və hadisə ilə bağlı araşdırma aparıldığı bildirilib.