Yunanıstandakı meşə yanğınları nəzarət altına alınıb

Yunanıstanda baş verən meşə yanğınlarının əksəriyyəti nəzarət altına alınsa da, Aleksandrupoli, Meriç və Fili bölgələrində yanğınlara müdaxilə davam edir.

Yunanıstan Yanğınsöndürmə Xidmətinin mətbuat xidmətindən verilən məlumata görə, son 10 gündə ölkənin müxtəlif bölgələrində baş verən meşə yanğınları böyük ölçüdə nəzarət altına alınıb.

Avqustun 19-da Aleksandrupoli və Meriç bölgələrində, paytaxt Afina yaxınlığındakı Fili ətrafında isə keçən həftə başlayan yanğınların şiddəti azalıb. Bu bölgələrdə yanğınları tam nəzarət altına almaq mümkün olmasa da, yanğınsöndürmə briqadalarının işi davam edir.