Ukrayna Baş Qərargahı Rusiyanın itkilərini açıqlayıb

Ukrayna Baş Qərargahı Rusiya ordusunun son 24 saat ərzində 200, müharibə başlayandan 24 fevral tarixindən isə 35 min 450 əsgər itirdiyini bildirib.

Baş Qərargahdan verilən yazılı açıqlamada 24 fevral-29 iyun tarixləri arasında Rusiya ordusunun verdiyi itkilərlə bağlı məlumatlar yer alıb.

Açıqlamada Rusiya ordusunun son gündə 200 əsgər, 4 pilotsuz uçuş aparatı, 5 tank, 3 top, 3 reaktiv yaylım atəşi sistemi, 16 zirehli texnika, 3 qanadlı raket və 1 hava hücumundan müdafiə sistemi itirdiyi bildirilib.

Müharibə başlayandan bəri isə, Rusiya ordusunun 35 min 450 əsgərini itirdiyi, Rusiyaya məxsus 217 təyyarə, 185 helikopter, 1572 tank, 3 min 720 zirehli texnika, 781 top, 246 reaktiv yaylım atəşi sistemi və 103 hava hücumundan müdafiə sisteminin məhv edildiyi qeyd edilən açıqlamada Rusiya qüvvələrinə məxsus 2 min 598 maşın, 14 gəmi, yüngül sürətli qayıqlar ilə 640 pilotsuz uçuş aparatının da məhv edildiyi qeyd edilib.

Bundan əlavə, rusların atdığı 142 qanadlı raketin Ukrayna hava hücumundan müdafiə bölmələri tərəfindən vurularaq məhv edildiyi bildirilib.

Açıqlamada həmçinin Lisiçansk istiqamətində intensiv toqquşmaların davam etdiyi, Rusiya ordusunun toqquşmaların davam etdiyi Bahmut istiqamətində ən çox itki verdiyi qeyd edildikdə, ordunun Xarxov istiqamətində ələ keçirdiyi bölgələrə nəzarəti qorumağa cəhd etdiyi bildirilib. 
Qeyd edək ki, Rusiya Müdafiə Nazirliyinin 25 martda verdiyi açıqlamada Ukraynada 1351 Rusiya əsgərinin öldüyü məlumatı verilib.